35 ARIN OO LA RABO IN WAALIDKA LOO SAMEEYO

35 ARIN OO LA RABO IN WAALIDKA LOO SAMEEYO

1- in aad mobilka iska damiso marka aad la joogto(micnaha aadan ku mashquulin).

2- in aad aamusto marka ay hadlayaan( ha kula hadlaan adiga ama ruux kale).

3- in aad ogolaato ra,yiga wanaagsan oo ay kuu soo jeedinayaan.

4- in aad hadalka la qaybsato,marka ay kula hadlayaan(micnaha kaligood in aysan hadlin).

5- in aad hoos isku dhigto marka aad fiirineysid adiga oo indhaha ku gubeynin.

6- in aad u mahad celiso iyo in aad si joogto ah u ammaanto.

7- in aad la wadaagto una soo dhaqsato u sheegidda dhacdooyinka farxadda leh ee kula soo gudboonaada.

8- in aadan marnaba u sheegin dhacdooyinka murugada iyo xumaanta leh ee kula soo gudboonaada.

9- in aad mar walba amaanto asxaabtooda iyo dadka ay jecelyhiin.

10- in aad soo xasuusiso guulaha iyo horumarada ay horey u gaareen.

11- in aad u dhaga nuglaato sheekadooda,xitaa haddii ay ku soo cel celiyaan mar walba isla sheekada.

12- in aadan soo xasuusinin waxyaabaha murugada leh oo horey ugu dhacay waalidka.

13- in aadan galin sheeko gooni oo gaar ah,marka aad la joogto.

14- in aad u fadhiisato si ixtiraam leh oo fiican,marka aad la joogto.

15- in aadan yareysanin isla markaana aadan fududeysanin fikradahooda.

16- in aadan soo dhex galin ,marka ay hadlayaan iyo in aadan ka tagin iyaga oo wali hadalka wada.

17- in aad ku tix galiso da,dooda iyo in aad ka ilaaliso mar walba in ilmahaaga dhibaan.

18- in aadan ku hor canaananin ilmaha aad dhashay oo ay awoowayaalka u yihiin.

19- in aad ka ogolaato dhammaan waanooyinka iyo talooyinka ay kuu soo jeedinayaan.

20- in aad fadhiga ugu kacdo marka ay yimaadaan.

21- in aadan codkaaga kor ugu qaadin,marka aad la hadleyso.

22- in aadan hortooda soconin ama gadaashooda,marka aad isla socotaan.

23- in aadan raashinka cunistiisa ka hor bilaabin,marka aad isla cunteyneysaan.

24- in aadan indhaha la raac raacin.

25- in aad ku faanto mar walba,xitaa haddii aysan istaahilin waxa aad ku faanineyso.

26- in aadan lugahaaga iskor saaranin marka aad la fadhido iyo in aadan dhabarkaada soo xijinin.

27- in aadan u sababin in la caayo(tusaale ahaan adigu ha caayin waalid kale).

28- in aad xaalad kasta ood ku sugantahay u duceyso.

29- in aadan dareensiinin daalka ku haayo,marka aad howl u qabaneysid.

30- in aadan ku qoslin haddii uu qalad ka dhaco.

31- in aad u adeegto mar walba oo aadan ka sugin inta ay kaa soo dalbanayaan.

32-in aad si joogto ah u soo salaantid,oodna marnaba ka xanaaqin(tusaale ahaan waa isku dhacsanahay ha dhihin).

33- in aad adeegsato ereyada wanaagsan marka aad la doodeysid.

34- in aad ugu yeerto magacyada ay ugu jecelyihiin.

35- in aad mar waliba wax kasta iyo dadka oo dhan ka hor marsiiso.

 

Ugu danbeyntii aqriste ma sameysaa talaabooynkan?haddii aadan sameynina isku day in aad hadda bilowdo.

By:Mohamed Deeq

XIKMADDA MAANTA

19/11/2015

Isku fiiri muraayadda,haddii ay naftaada ku qanacdo sida aad u egtahay ood ku faraxdo qaabka ilaahey kuu abuuray dadka oo  dhan waa ay ku qanacsanaanayaan kuna farxayaan shakligaada iyo sida aad u egtahay.

balse haddii aad muraayadda isku fiiriso oo ay naftaada ku qanci weyso sida aad u egtahay oo ilaahey kuu abuuray dadka oo dhan waxay kuu arkayaan si fool xun,waxyaabaha ay naftaada ku qanci weysana waa ay ku weydiinayaan mar walba.

fadlan isku fiiri muraayadda ku qanac naftaada kuna faraxsanaaw sida aad u egtahay oo ilaahey kuu abuuray ka dibna fiiri sida ay dadka kuula dhaqmayaan,iyo in ay su,aalo ku weydiinayaan iyo in kale.

By:Mohamed Deeq

Xubinta Tarbiyadda Caruurta BARO SIDA ILMAHAAGA TAAJIRIIN AY KU NOQON LAHAAYEEN MUSTAQBALKA

Waxaa la hubaa in waalid kasta uu ilmahiisa la rabo marka ay weynaadaan in ay noqdaan taajiriin ,hadaba si ay arinkaas kuugu hirgasho bar ilmahaaga marka ay yaryihiin oo ay dhiganayaan iskoolka ama ka horba 7dan arin oo ka caawineysa ilmaha in ay taajiriin noqdaan marka ay weynaadaan mustaqbalka.

1- BAR ILMAHA YAR SIDA LACAG LOO KASBADO

 Waalidka waxaa haboon in ilmahooda ay baraan sida lacag loo kasbado waqti hore inta ilmaha ay aad u yaryihiin,sababtoo ah ilmaha yar waxaa ay is weydiiyaan mar kasta lacagta waalidka haysto meesha ay ka timaado,hadaba ilmaha lacagta ha siinin kaliya ee bar in lacagta ay ku timaado in la shaqeesto oo kaliya.

Hadaba waalidku muxuu sameynayaa si uu u baro arinkaan,u sheeg ilmaha yar waxa aad ka shaqeysato iyo inta qarash ah ee aad mushaar ahaan u qaadato,ka dib ilmaha u sameey shaqo ay qabtaan  oo ay awoodaan qabashadeeda kuna dheh hadaad qabato shaqdaas waxaan ku siinayaa qarash intaas la eg,waxaana lagaa rabaa in aad u joogteeyso mushaarka aad kula hishiisay oo aadan ka joojinin iyo in aadan kala hadlin qarashka aad siisay waxa uu ku sameeynayo iyo sida uu u kala qaybinayo.

Shaqooyinka aad u direyso oo mushaarka ku siineyso waxaad ka dhigi kartaa in cabitaan ama mac-macaan yar yar aad guriga ku sameysay aad ku dhahdo dariska iyo xaafadda ka soo gad gad,ka dib lacagta marka uu keeno aad siiso mushaarkii aad kula hishiisay .

2- BAR ILMAHA YAR SIDA LACAGTA LOO DHAQAALEYSTO,WAXNA DADKA LOOGU DARSADO,WAXNA LOO ISTICMAALO.

 ilmahaaga caqligooda waxaad horey u soo bartay in uu shaqeeysto oo uu mushaar qaato ,hadda bar sida qarashka  soo galay uu sedexdaan arin ugu kala qaybin lahaay oo kala ah:

- in qayb ka mid ah uu meel u dhigto mustaqbalka.

- in qayb kale uu ku darsado hay,adaha gar gaarka ee samafalka ka shaqeeya.

- qaybta kalena waxa uu asaga u baahanyahay ha ku soo gato.

Hadaba maxaad sameyneysaa si sedexdaan arin aad u barto ilmahaaga.

Tan ah in uu lacagtiisa uu wax meel ka dhigto mustaqbalka waxaad u fureysaa akoon banki adiga oo badineynin ku bilow bil walba 10$ dollar in ay ugu dhacdo dhowr bilood ka dib waxa uu arkayaa in lacagti ay badatay,saasna waxa uu ku baranayaa sida qarashka loo dhaqaaleeysto.

Arinta ku saabsan in ilmuhu uu barto in lacagtiisa dadka kale ay la qaybsadaan waxaad bareysaa in uu lacag geeyo maalin go,an asbuucii ama bishii hadba inta duruuftu saamaxdo ururada samafalka ka shaqeeya sida kuwa masaajidada dhisa agoonta iyo danyarta wax siiya una sheeg dadkaas in ay u baahanyihiin dadka kale ee wax haysta,markaas ilmaha caqligooda waxa uu baranayaa asaga oo yar in wax la bixiyo lana siiyo kuwa aanan haysanin micnaha in wax la sdaqeysto ayaad bartay.

Tan kale oo sedexaad ee ah in ilmuhu uu lacagtiisa waxa uu rabo ku soo gato waxaad u bareysaa in aad geyso dukaanka uuna soo gato waxa uu rabo asaga dookhiisa ,tusaale ahaan waxa uu rabo waxa ay joogaan 10 doolar asagana waxa uu haystaa 5 $,fiiri waxa uu sameynayo iyo go,aanka uu qaadanayo,adiga ha fara gishanin ,kula tali dukaanka alaabta in ay taaleyso xilli walba, mar kale oo 10$ aad haysato u imow ama shey la mid ah oo qarashka aad haysato oo 5$ ah gado,u sheegna alaabta dukaanka taala haddii aad xoogaa sugto in isla sheyga maanta 10$ jooga uu bari 5$ imaanayo oo soo raqiisayo ,haddii aad saas ku tarbiyeyso waxaad ilmaha yar bartay sida qarashka uu haysto uu wax ugu soo gadan karo iyo sida loo isticmaalo qarashaadka soo gala.

La soco qaybaha kale.....

By:Mohamed Deeq

Kala xiriir email:deeq1982@hotmail.com